ක්‍රිස්තු වර්ෂ 310 දී දන්ත කුමරු සහ හේමමාලා කුමරිය බ්‍රහ්මදත්ත රජු (සිද්ධාර්ථ ගෞතමයන්ගේ පිය පස ඥාතීන්) ගෙන් පැවත එන ඉන්දියාවේ ගුහසිව රජු (හේමමාලා කුමරියගේ පියා) විසින් ඔවුන්ට පැවරුණු වගකීම අනුව උදේනි රජුගේ පුත් දන්ත කුමරු සරණ පාවා ගැනීමෙන් අනතුරුව බුදුන් වහන්සේගේ වාම දළදා වහන්සේ ශ්‍ර්‍රී ලංකාවට වැඩම කරවා ඇත. දළදා වහන්සේ නිදන් නොකර ආරක්ෂා කිරීමේ වගකීම මෙම පරපුරට බුද්ධ ආදාහන මලුවේ පටන් (ක්‍රි.පූ. 544) පැවරී ඇත.

දළදා වහන්සේ ලක්දිවට වැඩම කරවීම හේතුවෙන් මෙම දෙපලට එවකට ලක්දිව රජු වූ කීර්ති ශ්‍රී මේඝවර්ණාභය (කිත්සිරිමෙවන්) රජු විසින් ඔහුගේ මිත්තණියගේ (සකුර්ණමේධා බිසව - මහසෙන් රජුගේ මව) උපදෙස් පරිදි "කීරවැල්ල"නම් ග්‍ර්‍රාමය පමණක් නොව, දැසි දැස්සන්, ගව මහේශාදීන් සමග ‍රන් රිදී මුතු මැණික් ලබා දී රජු හා සමාන ලෙස පිලිගත්තෝය.